فيديو.. حسام بدراوي يستنكر إضافة الدين للمجموع: بلاش تعالج بمدخل ديني خطر.. الاخلاق والقيم تُدرس من خلال الفلسفة

كتب - محرر الاقباط متحدون
استنكر الدكتور حسام بدراوي، المفكر والسياسي، إضافة مادة التربية الدينية للمجموع.

وقال خلال حلوله ضيفا على برنامج (حديث القاهرة)، تقديم الإعلامي إبراهيم عيسى،  على فضائية القاهرة والناس :" وجهة نظر الوزارة  ان هناك تدني في الاخلاقيات والقيم وان سكتنا هي التربية الدينية، وانا بقول  لا سكتنا مش التربية الدينية.

وتابع :" قرار بعد تشخيص لحظي قائم على احداث فردية او ظنون، عشان كدة انا بقول لك ادرس الواقع واعمل احصائيات واطلع بنتائج واعرف فعلا حقيقة  الموقف ايه ولما تيجي تعالجه ما تعالجوش بمدخل ديني خطر.

لافتا :" لان المدخل الديني مش نفس المسطرة بتاعة المسيحي واليهودي والمسلم، واليهودي احنا ما بنتكلمش عليه طب والمواطن المصري اللي ما هواش لا ده ولا ده يخرج بره اللعبة ؟!، موضحا :" الاخلاق والقيم تُدرس من خلال الفلسفة وليس المدخل الديني .