بعد واقعة التحرش بسائحة صينية .. منتصر يستنكر مطالبات المتشددين بفرض ملابس معينة على السياح : السائح يساهم في أكل عيشك

كتب - محرر الاقباط متحدون
ألقى المتشددون اللوم على السائحة الصينية، زاعمين أن ملابسها السبب في تحرش السائق المصري بها، وطالبوا بإصدار قانون يمنع السياح من ارتداء ملابس  مكشوفة .

استنكر هذه المطالبات، المفكر والطبيب خالد منتصر، وكتب عبر حسابه على فيسبوك :" وعايزين السياحة تزدهر واحنا بنفكر كده؟؟! هو انتم جايبين السياح تدخلوهم الجنة عن طريق الترانزيت المصري ؟! ما تبطلوا بقى وسواس الهداية اللي لابسكم ده، انتم مش أوصياء ع السياح، السائح جاي ينبسط ، حتعمل له فيها الملا عويس وتفرض عليه ياكل ويشرب ويتحرك ويلبس بشروطك ، حيسيبك ويروح بلد تانيه وألف من يتمناه.

لافتا :" السياحة أكل عيش لملايين ، وعملة صعبة للبلد ، والانقاذ العاجل لنا من أزمتنا في قلة الدولار وطوفان البطالة، الشاب المتحرش ده مريض،والمفروض ما يبقاش كتالوج وما تقولوش البنت حلوى مكشوفه وبطيخة مفتوحة… وتستاهل…
الى آخر هذا الكلام العبيط ببساطة و م الآخر السائح ده جاي يساهم في أكل عيشك انت وعيلتك شيله على كفوف الراحة وبطل لزوجة وحشرية.