فيديو.. ابو قمر يستنكر ظهور أبو تريكة في إعلان الأهلي: الإخوان قتلوا جنودنا في رمضان.. وينتقد النادي لاحتفاله بعيد ميلاد حسن البنا في 2012

كتب - محرر الاقباط متحدون
استنكر الكاتب محمد ابو قمر، إعلان القلعة الحمراء الذي يعرض خلال شهر رمضان 2025، ويشارك فيه لاعب النادي الأهلي السابق ومنتخب مصر الإخواني أبو تريكة.

وكتب ابو قمر عبر حسابه على فيسبوك :" مشجعي الكوره الأهلاوية غير النادي الأهلي نفسه ، وغير إدارة النادي الأهلي ، الاختلاف بين المشجعين الأهلاوية وبين النادي وإدارته اختلاف عميق ومتعدد الأوجه ، وأهم أوجه الاختلاف بين النادي ومشجعيه هو الوطنيه.

الأهلاوية جزء من الشعب المصري زي الزملكاوية المنتشرين في أنحاء مصر ، وزي البورسعيدية ، والمحلاوية ، والاسماعيلاويه ، والأسوانيه ، وغيرهم من بقية الشعب المصري العظيم ، جميعهم بيحبوا وطنهم وعندهم استعداد يضحوا بأرواحهم في سبيل الحفاظ علي كرامتهم وكرامة وطنهم.

إدارة النادي الأهلي يبدو إنها متعرفش إن هؤلاء المشجعين جميعا سواء أهلاويه أو زملكاوية أو دمياطية أو غيرهم منهم جنود بواسل واقفين دلوقتي وهما صايمين بيحرسوا الوطن وبيحافظوا علي أمن الشعب وسلامه.

إدارة النادي الأهلي واضح إنها متعرفش إن الاخوان الارهابيين قتلوا بعض جنودنا في رمضان قبل دقيقه واحده من آدان المغرب ، يعني قتلوهم وهما صايمين .

مشجعي الكوره المصريين أهلاوية وغير أهلاوية عاشوا لحظات الألم والحزن والوجع لما كان الإخوان بيزرعوا متفجراتهم في الشوارع علشان تمزق أجساد المصريين الأبرياء .

إدارة النادي الأهلي لما عملت حلقات في قناة الأهلي عن حسن البنا وأطلقت عليه لقب الشهيد وصورته كأنه بطل قومي في الوقت إللي كان أتباعه بيفجروا الكنايس المصرية ويقطعوا أجساد الأطفال والنساء داخلها إلي أشلاء.

إدارة النادي الأهلي وهي بتعمل إعلان في مقدمته الارهابي أبو تريكه زي ما يكون بتبصق في وجه المصريين وبتحط كرامتهم ووطنيتهم في الوحل وبتقولهم إحنا غيركم ، إحنا فوق الجميع .

الإعلان ده معناه زي ما يكون إدارة النادي الأهلي بتقول للمصريين نبصق علي مشاعركم ، وعلي أحزانكم .

الإعلان ده معناه إن إدارة الأهلي بتكرم أبو تريكه علي زيارته لساميه شنن إللي حطت مية النار في حلق الضابط وهو بيموت لما طلب شوية ميه يشرب قبل ما تطلع روحه.

واختتم ابو قمر :" علي فكره ، عائلتي كلها أهلاوية ، لكن كرامتهم وكرامة وطنهم هي إللي فوق الجميع .هي دي وطنية الأهلي إللي بيصدروهلنا ليل ونهار. دولا مين ودولا مين ؟.