فيديو.. اللقطة الأخيرة.. القمص إبراهيم إبراهيم: لا تحكم على الآخرين من آخر مواقفهم وتأمل الخلفيات السابقة.. وهناك مشهد أخير إيجابي

كتب - محرر الاقباط متحدون
وجه القمص إبراهيم إبراهيم كاهن كنيسة العذراء مريم عياد بك بشبرا ، رسالة لشعب الكنيسة تحت عنوان "اللقطة الأخيرة" .

وقال خلال تقديم برنامج (كلمة في دقيقتين)، المُذاع عبر قناة "مي سات" القبطية الأرثوذكسية: "أحيانا يحكم الناس من خلال اللقطة الأخيرة.

موضحا :"مثال: أنا كاهن، وقد يراني شخص وأنا غاضب من أحدهم، فيقول: ما هذا؟! أمعقول أن يكون الكهنوت هكذا؟ هل علم السيد المسيح ما تفعله ؟! .

وواصل :"حبيبي ما تحكمش عليا باللقطة الأخيرة شوف الموضوع هتلاقي قبله لقطات كتيرة ودي بتبقى مهمة أوي.

مضيفا :"  في حاجة تاني في اللقطة الأخيرة لكن  بشكل إيجابي، وبحس إن السيد المسيح عملها معايا،  مرات كتيرة يديني اللقطة الأخيرة ازاي، مثلاً مشكلة معينة دخل فيها بعض الناس وبعدين ربنا يسمح لي اتدخل أنا فبنعمته أحل المشكلة، فيقولوا يا سلام أبونا إبراهيم هو اللي حل المشكلة.

لافتا :"  أبداً ده ربنا وتعب إخواتي اللي قبلي، كل واحد تعب وأنا دخلت على تعبهم ده وأنا اللي خدت اللقطة الأخيرة.

كما لفت :" ساعات أروح لواحد مريض يقولي أبونا صلي لي، أنا عندي صداع، صلي لي عند المرض المعين ده وأصلي له، يقول لي يا أبونا أنا خفيت وقت ما أنت صليت لي.

وتابع :" ارد أقول له يا حبيبي ده هو ربنا، ربنا اللي أعطاني أنا اللقطة الأخيرة، فربنا بيكبر ولاده، يا ريت يا أحباء نكبر بعضينا ونتعلم الدرس من فادينا.