فيديو .. سميح ساويرس عن قراره بعدم توريث أبنائه كل ثروته : في حد ماعندوش وما أكثرهم .. سأصرف أموال في الاعمال الخيرية والخدمة الاجتماعية

كشف المهندس سميح ساويرس، رجل الأعمال، الأسباب التي دفعته لاتخاذ قرار بعدم توريث أبنائه كل ثروته.

 

وقال ساويرس في تصريحات لبرنامج بودكاست "الحل إيه" :" الولاد لما يورثوا فلوس كتير قوي، ده مش في مصلحتهم، لأنهم بيفقدوا الحنين إنهم يخوضوا نفس تجربة والدهم أو جدهم أو والد جدهم ، اللي كل واحد فيهم ابتدى واضطر يزود وعمل مجهود.

 

مضيفا :" لو ابتدوا ومعاهم كل حاجة، هيفقدوا متعة العمل، ومتعة الإنجاز، ومتعة الفلوس نفسها، يبقى فيش داعي ياخدوا كتير. 

 

لافتا :" وفي نفس الوقت، طب ما أنا مش هاديهم كتير، هعمل إيه بالفلوس؟ أنا مش هقعد أصرفها يعني، هي مش شطارة، الواحد مبسوط باللي عنده وخلاص.

 

موضحا :" فالفلوس دي لازم نصرفها في حاجة مفيدة، مين اللي هيستفيد أكتر؟ حد ماعندوش وما أكثرهم، فبالتالي، مهما خدت من الولاد وادّيت للخدمة الاجتماعية والأعمال الخيرية وأنا دايمًا بحب أفرق بين الاتنين، لأن دول مش زي بعض، ده كلام منطقي كحل لاستخدام الفلوس الزائدة عن الحاجة.