فيديو .. سميح ساويرس يستنكر التباهي بالثراء على منصات التواصل : ما عندهمش قناعة .. بلبس نفس البنطلونات والجواكت لاني مكتفي والمكتفي مش جعان

رد رجل الأعمال المصري سميح ساويرس على سؤال حول انتشار النمط الاستهلاكي، والتباهي بالثراء على منصات التواصل الاجتماعي، حيث تتباهى شخصيات مشهورة بالطائرات الخاصة، والسيارات الفاخرة، والحقائب باهظة الثمن، والسؤال :" هل أصبحت هذه التصرفات احداث أم أسلوب حياة لابد أن يعيشه كل ثري ؟ .

 

وقال ساويرس في تصريحات لبرنامج بودكاست "الحل إيه" :" هم ما عندهمش قناعة، والقناعة كنز لا يفنى.

 

لافتا :" اللي عنده قناعة مش محتاج، ما عندهوش احتياج أصلا. 

 

موضحا :" يعني أنا مثلا بلبس نفس الكام بنطلون على نفس الكام جاكت وخلاص، ليه؟ لأن مش فارقة معايا، فيبقى معنى كده إن أنا مكتفي، واللي مكتفي ده مش جعان.

 

مشيرا :" اللي بيحصل ده بيبقى نتيجة نوع من الجوع،  الجوع إنه يبقى عنده، مثلا، لو ست يبقى عندها شنطتين "هيرميس" مش واحدة.

 

وتابع :" ولو مثلا راجل يبقى عنده عربيتين كبار مش واحدة، ولازم يجددهم كل سنة، ليه؟ لأنه عنده إحساس إنه لسه مش غني كفاية.

 

موضحا :" فبيعوض الإحساس ده بإنه يقعد يزود من الإنفاق المادي، اللي بيدي له نوع من الإحساس إنه هو قرب يبقى غني.

 

لافتا :" بس في الحقيقة، الغني هو اللي مش محتاج،  يعني اللي مبسوط بعربيته، ومبسوط ببيته، ومبسوط بهدومه، ومبسوط بحياته، هو ده الغني، مش الرقم، 

عمره ما حد يقيس الغنى بحجم الأموال اللي في البنوك.