خالد منتصر عن حذف أغاني مطرب بعد وفاته من قِبل زملائه المطربين: فيروس العصاب الجماعي والدروشة الزائفة تمكنا من فصوص المخ المصري

غيب الموت المطرب الشاب أحمد عامر، وسارع عدد من زملائه المطربين بعد ذلك إلى حذف أغانيه، مطالبين شركات الإنتاج والجمهور بحذفها أيضا .

 

وفي هذا الصدد دشن المفكر والطبيب خالد منتصر عبر حسابه على فيسبوك، هاشتاج باسم " كودية زار باتساع الوطن".

 

مضيفا :"هي الناس في مصر جرى لها ايه حقيقي؟؟! ايه فيروس العصاب الجماعي، والدروشة الزائفة، والهطل الشعبي ، اللي تمكن من فصوص المخ المصري، وتوطن في المخيخ والنخاع الشوكي؟!مطرب مات، وهستيريا وصراخ، امسحوا أغانيه، ده بيتحاسب دلوقتي؟! مش فاهم ايه العلاقة ؟صفحات وجروبات ومطربين عملوا معاه دويتوهات وقنوات حذفت ومنتجت لقاءات، هو فيه ايه؟؟!.

 

 

وتابع :"يا جماعه انتم للأسف بهذه التفاهات بتخدشوا قداسة الإله، وبتدخلوا السماء في معارك وتصرفات تشوه  معنى الايمان نفسه، معقول ربنا اللي خلق ٤٠٠ مليار مجرة كونية، ينشغل بأغاني أحمد عامر، ويعذبه ويقسو في حسابه ، عشان أغنية مهرجانات ؟!، ولما احنا نحذفها من التيك توك ربنا حيسامحه ويعفو عنه، ويبعد عنه التعبان الأقرع؟؟! معقول شباب خريجين جامعات متصورين كده، وعاملين لجان الكترونية لإنقاذ  أحمد عامر من براثن ملايكة العذاب اللي ماسكين الكرابيج وبيلسوعوه على كل كوبليه مائة جلده!!!؟؟؟هل ده تصوركم عن الرب والدين والحساب والثواب والعقاب…الخ؟! بالشكل ده أقدر أقول لكم وبمنتهى راحة الضمير ان عنبر الخطرين اتسع وبقت مساحته مليون كيلو متر مربع!!!.