فيديو .. إبراهيم عيسى عن حريق سنترال رمسيس : هنا مش من حقك تسأل هو إيه اللي حصل ولا أسبابه .. في أوروبا برلمانات تقدر تحاسب المسؤولين

علق الإعلامي إبراهيم عيسى، على حريق سنترال رمسيس، الذى راح ضحيته 4 أشخاص من العاملين بالشركة المصرية للاتصالات وإصابة آخرين.

 

وقال عيسى عبر قناته الرسمية على موقع يوتيوب :" هنا، على الطريقة المصرية، مش من حقك تسأل هو إيه اللي حصل، ولا أسبابه، حاجة غريبة جدًا.

 

وتابع :"الفرق بيننا وبين الدول الأوروبية، رغم وجود نفس الحوادث، هناك فيه شعب يقدر يحصل على الحقيقة وعلى المعلومات الدقيقة، ويعرف مين المسؤول.

 

وواصل :" هناك برلمانات في هذه الدول تقدر تحاسب المسؤولين، مش تصفق لهم، أو تداري عليهم، أو تبعت لهم برقية شكر.

 

مضيفا :"في الدول دي فيه إعلام قادر على التقصي والتحقيق، مش حالة التنصل والمداراة، وتقديم الجهود الرهيبة الجبارة لإنقاذ الموقف، دون تقديم حقيقة الموقف ولا المسؤولين عنه.