ليه دايما خايف

بقلم جورج حبيب
لِيه دايْمًا خايِفْ ومَداري
مَرعوبْ ومِنَ النّاسْ بْتَداري

تِمشي بَعيدْ مَرعوبْ وتِعاني
سايِبْ إيدْ رَبَّنا وَلا بْتُبالي

تابِعْ لِلشَّيطانْ، وَلِكَلامْ رَبَّنا ناسي
لا قادِرْ تُصَدِّقْ وُعوده
وَلا بْتِسْمَعْ لِلِّي بْيِقوله

عَمّالْ تِشرَبْ مَيَّه مالِحْ
لا بِتِرْوي، وفِي طُرُقَكْ فاشِلْ

آهْ لَوْ مَسَكْتْ فِي إيدْ رَبَّكْ
لَراحَ الخوفْ واتغَفَرْ ذَنبَكْ

وَاعْرِفْ إنّ طَريقْ الخَطيَّهْ
يَزيدَكْ خوفْ ومَعْصِيَّهْ

لَكِنْ طَريقْ رَبَّنا كُلّه أمانْ
يِحْميكْ، وَلا يَومْ واحِدْ تِتْهانْ

شوفْ القُدّيسينْ ما يَومْ خافوا
إيمانَهُم صَلبْ، وَلِلشَّيطانْ ما هابوا