إسحق يونان يشيد بميخائيل عياد: أنقذ 15 طفلًا من الغرق وجسّد معنى الجدعنة المصرية الأصيلة

محرر الأقباط متحدون
تداول رواد مواقع التواصل الاجتماعي صور المواطن ميخائيل عياد، مشيدين بتدخله البطولي لإنقاذ أطفال بعد انقلاب تروسيكل في قرية نجع رزيق بمحافظة أسيوط.

وقال الإعلامي إسحق يونان في منشور له على "فيسبوك":

"البوست ده تحية خاصة للراجل المحترم ميخائيل عياد من أسيوط 🙏
كان طالع على أكل عيشه يشتري شوية سمك من السوق ويبيعهم علشان يسترزق.
فجأة لقى تروسيكل محمّل أطفال رايحين المدرسة وقع في المصرف!
وما أدراك ما المصارف… ريحة وحشة وزبالة، ومحدش يقدر يقرب منها.
لكن الراجل ده مفكّرش مرتين، رمى نفسه ورا العيال كأنهم ولاده،
وقعد يطلع فيهم زي السمك واحد ورا التاني بسرعة رهيبة.
١٥ طفل خرجوا بسلام بفضل الجدع ده اللي فعلاً شهم وجدع وكله رجولة وأصالة.
اللي يعرفه يقوله: ربنا يعوضك خير يا عم ميخائيل وينجي ولادك من كل ضيقة زي ما نجّيت ولاد الناس."

وقد لاقى المنشور تفاعلاً واسعًا من متابعي مواقع التواصل الذين أعربوا عن فخرهم بالموقف البطولي والإنساني لميخائيل عياد، مشيدين بشهامته وجرأته التي جسدت أسمى معاني الإنسانية والمروءة، ومؤكدين أن أبطال الحياة الحقيقية هم أولئك البسطاء الذين يقدّمون الخير دون انتظار مقابل.