خالد منتصر : بعد تشجيع فرض الحجاب في المدارس وملصقات دينية في المواصلات وصلاة أمام الأسانسير منتظر ومتوقع ايه اللي يحصل في المتحف المصري الكبير !

رأى المفكر والطبيب خالد منتصر أن السكوت عن فرض الحجاب في المدارس، وتعليق الملصقات الدينية في وسائل المواصلات، وإقامة الصلاة في الشوارع وتعطيل حركة المرور رغم وجود سيارات إسعاف، قد أدى إلى ظهور مشاهد يقرأ فيها البعض آيات دينية داخل المتحف المصري الكبير، ويصفون الفراعنة بالكفار، رغم أن المكان ليس دار عبادة.

 

 

وكتب منتصر عبر حسابه على فيسبوك :"دعاء الطياره والأسانسير، الخمس ميكروفونات بتوع الآدان اللي بيخترقوا ودنك في نفس الوقت وانت نايم الفجر أو بتذاكر أو في المستشفى، جارك في الميكروباص اللي معلي صوت الشيخ السديسي والحذيفي في الموبايل وبيقول لك اسكت عايز أسمع!،ناظرة  مدرسة بنتك الابتدائية اللي بتفرض عليها الحجاب بالعافية، إغلاق الطريق والشارع أمام سيارة الإسعاف لإنهم بيصلوا فيه، أو الصلاة أمام الأسانسير، أو مدخل السلم، أو قدام كابينة الطيار أو أمام باب النزول في المترو!!!،ملصقات دينية في المترو …..الخ، انت شجعت كل ده ، منتظر ومتوقع ايه اللي يحصل في المتحف؟؟!، هو نفس السيناريو بس بنسخة تانيه.