خالد منتصر عن واقعة وفاة "السباح يوسف محمد": كارثة تستحق إقالة اتحاد السباحة بأكمله.. غرق ولا حد حس بيه!

كتب - محرر الاقباط متحدون 
قرر وزير الشباب والرياضة تحويل واقعة وفاة "السباح/ يوسف محمد" إلى النيابة العامة.

وفي تعليقه على الواقعة كتب المفكر والطبيب خالد منتصر عبر حسابه على فيسبوك :"كارثة تستحق اقالة اتحاد السباحة  بأكمله، يوسف محمد،  طفل ١٢ سنة،  مشترك في بطولة جمهورية، ثناء سباق خمسين  متر الولد داخ، غرق في البيسين،السباق كان فيه عشرة، طلع تسعة بس، أنهوا السباق، ويوسف العاشر ما طلعش!!، ولا حد حس به!!؟.

وتابع :"دي مسابقة جمهورية يا جماعة ، يعني حكام ومدربين وأبطال ومهرجان كبير!!، المهم اكتشفوه ازاي؟!، في السباق اللي بعده سباح حس به في قاع البيسين ،تخيلوا بالصدفة، وكأن اللي ضايع ده كيس فيشار ولا فردة شراب !!، الاسعاف كان مجرد عربية حلوة وجميلة فيها فتيس ودركسيون لكن ما فيهاش جهاز انعاش قلب، حاجة بسيطة يا جماعه، مجرد سهو، الطفل مات الله يرحمه ويصبر أهله، لكن اللامبالاة والإهمال والتناحة والبرود عندنا خالدون لا يموتون  .