محمد أبو قمر: جملة "إسرائيل فشلت في تحقيق أهدافها" يرددها كل نصاب من قادة حماس .. غزة تحولت إلى خرابة بعد طوفان الاقصى

قال الكاتب محمد أبو قمر :"(اسرائيل فشلت في تحقيق أهدافها) ، الجملة دي هي بؤ حمضان بيردده كل نصاب من قادة حماس ، النصابين عايزين يقولوا بالبؤ الحمضان ده إن حماس انتصرت ، وكأن كل الخراب وكل الدم والموت والنزوح والتشرد ويتم آلاف الأطفال والتهديد المستمر بالتهجير ملوش أي قيمه ولا له أي حساب عند النصابين الحمساويه.

 

مضيفا عبر حسابه على فيسبوك :" الغريب والعجيب إن كتير من أفنديتنا القومجية والشلحلجية والسرسجية والكولجية بيرددوا نفس العباره ( اسرائيل فشلت في تحقيق أهدافها ) ، وتماديا في الغش والخداع والابتزاز الحقير إللي اتعود عليه أفنديتنا يسموا المقتلة الرهيبه إللي حصدت أرواح آلاف من النساء والأطفال بيسموها ( الصمود الأسطوري للشعب الغزاوي ) ، يعني بيسموا الموت والقهر والجوع والتشرد ومشاهد الأطفال اليتامي إللي تقطع القلب بيسموها صمود أسطوري ، وطبعا دا نوع من الابتزاز المفضوح والألاعيب السياسية الحقيرة.

 

 

وواصل :"والأعجب من دا كله خالد مشعل يقولك خسائرنا تكتيكية وخسائر العدو استراتيجية ، وطبعا الأفنديه إياهم بيأيدوه في سفالته دي، وبعد ما بقت غزه خرابه مليانه بالقتلي والجوعي ، وبعد ما الأحياء من أهل غزه أصبحوا مهددين بالتهجير ، وبعد ما أصبحت القضية كلها في مهب الريح النصاب الارهابي خليل الحيا يقولك فلسطين وقف إسلامي ملك للأمه جمعاء ، وإللي بيقوله خليل الحيا ده هو إللي ضيع قضية فلسطين ، لأن القضية من يوم ما اتحولت من قضية أرض مغتصبه وشعب منكوب إلي قضية إسلاميه أصبحت قضية ضائعه مش هاتتحل إلا يوم القيامه.