فيديو.. كاهن كنيسة مار جرجس بالعاشر: التناول يُعطى لمغفرة الخطايا لكن يحتاج منك قلب تائب

كتب - محرر الاقباط متحدون 
قال القس جورجيوس القمص فيلبس، كاهن كنيسة الشهيد مار جرجس بمدينة العاشر من رمضان:"التناول يُعطى لمغفرة الخطايا، لكن يحتاج منك قلب تائب.

مضيفا خلال اجتماع كنسي:"هو يُعطى لمغفرة الخطايا، وافرض أنت ما قدمتش توبة، إيه الفايدة؟ طيب ما هو سر الإفخارستيا يسبقه سر التوبة والاعتراف.

وواصل :" أنت عايز تنال الحياة الأبدية طب إزاي؟ الإجابة :بقلب تائب.

لافتا :" افرض أنت رحت اعترفت وما توبتش، هتنال مغفرة الخطايا؟ لا، اسمه سر التوبة والاعتراف، أبونا قال لك ما تغلطش وقرالك التحليل وطلعت غلطت تاني، إيه الفايدة؟ قلبك ما تابش عن الخطية، إيه الفايدة؟.

موضحا :"كل حياتنا المسيحية فيها جزآن: جزء اسمه النعمة وجزء اسمه الجهاد. 

كما أوضح :"النعمة دي من عند ربنا، ربنا هو اللي بيدينا النعمة، نعمة غفران الخطايا، لكن أنت بتسعى لكي تنال وتجاهد إنك تقدم توبة ولا لأ.