فيديو.. إبراهيم عيسى ينتقد الحكومة: كيف اقترضنا كل هذه الأموال.. وهل درست قبل كل هذه القروض واين ذهبت ديون 161 مليار دولار!

كتب - محرر الاقباط متحدون 
أعلن الإعلامي إبراهيم عيسى رفضه لتزايد الحكومة في سياسات الاقتراض، وتابع موجها حديثه للحكومة:" اين ذهبت ديون 161 مليار دولار ؟!.
 
واضاف عيسى عبر قناته على يوتيوب :"هو السؤال الحقيقي: كل الديون دي راحت فين؟ يعني أين أنفقت؟.

لافتا :" الدين الخارجي في مصر وهما بيبشرونا إنه كان 168 مليار دولار بقى 161 مليار و200 مليون في يونيو 2025. 

مشيرا :"يعني آخر أرقام وصلت لنا إن ديون مصر الخارجية 161 مليار و200 مليون، ده الدين الخارجي كويس قوي، كان 168 قبلها، فبقينا 161، ده ممتاز. 

موضحا :"في طريقة لحساب حجم وهول الديون الخارجية لما بتتحسب بالمقارنة وبالقياس والصادرات، يعني أنت بتصدر قد إيه وديونك الخارجية قد إيه.

كما أوضح :" لأن الصادرات دي اللي المفروض تجيب عملة صعبة، فتكتشف إن مصر من أعلى خمس دول في العالم في نسبة الدين الخارجي مقارنة بالصادرات.

وتابع :"الموضوع يثير العجب والتعجب، كيف اقترضنا كل هذه الأموال وكل هذه القروض، وإحنا بنستلف وبناخد الفلوس دي؟ كنا دارسين بنعمل إيه.

وواصل:" الدولة وهي بتستلف قرض ورا قرض ورا قرض، وهي لغاية النهارده بتستلف قروض؟ هل كانت دارسة هذه القروض.

لافتا:" ولا زي ما قال لنا وزير مالية سابق إنه إحنا بنستلف عشان نسدد اللي علينا، يعني بنستلف عشان نسدد السلف اللي علينا، بنقترض عشان ندفع القروض؟!.