متصومشي وتعيش في مظاهر

متصومشي وتعيش في مظاهر،
ربنا عارف الخفيّ والظاهر،
خلي الفكر بتاعك طاهر،
يقبل منك كل شيء.

متصومشي وتظهر للناس
إنك تقيّ وإنك ماس،
ربنا عنده ميزان حسّاس،
فاحص قلبك والحواس.
ربنا ما يتشمخش عليه،

متصومشي علشان تكون
عايز الناس تقول موزون،
ربك خابر كل الكون،
والمتوكل والمضمون،
هو اللي بأعمال يرضيه.

متصومشي وتكون طمّاع،
أو سارق ومن الجشاع،
ولأهلك كمان بيّاع،
لازم تبقى من الطيّاع،
تعمل خير ما تتعرّف بيه.

متصومشي بدون صلاة وعبادة،
أوعى تخلي صيامك عادة،
قرّب منه حُبّه زيادة،
بالإحسان والخير تلاقيه.

كل سنة وأنتم طيبين 🌿
✍️ممدوح الديري✍️