محرر الأقباط متحدون
كشفت السطات المختصة أثناء التحقيقات بقضية مقتل الطالب إيهاب أشرف بالدقهلية على يد مدرس الفيزياء، وتقطيع جثته إلى 3 أجزاء، تفاصيل جديدة في الواقعة.
واستمعت جهات التحقيق لأقوال أحد الشهود وهو تاجر أدوات منزلية، حيث قال: "اللي حصل وأعرفه أن يوم الثلاثاء 13/ 2 / 2024 لقيت في بوست نازل على "فيسبوك" بيقول إن إيهاب متغيب عن البيت، فأنا علشان أعرف إيهاب وأبوه، لأن أبوه تاجر أدوات منزلية، فأنا عملت مشاركة للمنشور عندي على صفحتي على "فيسبوك" وتاني يوم عرفت إن هما لقوا النصف بتاع جثة إيهاب اللي تحت".
وتابع: "مجاش في دماغي إنه ممكن حد يعمل كده بسكينة، وكنا مفكرين من الكلام اللي بيتقال في البلد إن اللي مقطع جثة إيهاب استخدم منشار علشان يقطع الجثة، ولما عرفنا أن الأستاذ اتمسك، وإن هو اللي عامل كده وصوره بدأت تنزل على "فيسبوك"، وشفت صورته افتكرت إن هو كان شاري مني سكينة تقريبا، قبل أسبوع من الواقعة، وأنا مبقتش عارف إن هو فعلا قتله بالسكينة اللي شاريها من عندي ولا بحاجة تانية، لحد ما لاقيت ضابط المباحث من المركز بعتلي وسألني إذا كان محمد شاري من عندي سكينة ولا لأ".
وأوضح: "قولتله أيوه هو فعلا اشترى سكينة من عندي، وقلت له على أوصافها، إن المقبض بتاعها خشب، والسلاح المعدن بتاعها تقيل ومحمل وهو جاي علشان يمثل الجريمة تأكدت أن هو اللي عمل كده".
