بقلم : مينا عطالله
في اللي يقولك إنه بيكتب ويقول إن كلامه واعٍر
ويقولك انا اصلي وفصلي ويقولك انا اصلا شاعر
وتدور علي كلمة يقولها تعرف بيها حجمه ومقاسه
تسأل نفسك فين مشاعره ؟ فين إلهامه ؟ فين إحساسه ؟!
تعرف إنه يادوب ولا حاجة وإنه إنسان ....... في اساسه
واللي بيسمعه وغصب عنهم هما قرايبه واهله وناسه
قشطة يا شعرا صباح الفل . انا مش قصدي اقول عل الكل
انا بتكلم علي اللي دماغه بتهياله بإنه الtop
لازم يطلع واحد يكتب ويقول لامثاله stop
لازم يعرف إن كتابته هي غباوته وعاملة drop
مش كله يطلع يتكلم . والفن مش هيلا هيلا هوب
الكلمة دي معني و إحساس
بتعبر عن راي الناس
كلمة دهب مع كلمة نحاس . تبقي عيار وبتتحسب
لكن كلمة يمين وشمال . تبقي حمار وبتتركب
انا مش قصدي إن انا فلتة . وإن مافيش انا زيي اتنين
وماقولتش إني ماليش غلطة وإني تقيل اوي اوي ومتين
لكن انا بضايق م اللي بيكتب وبيكدب ويقول في الاخر
إن الكدب مالوش رجلين
انا علشان شاعر بوجودي انا بتكلم علي ده النوع
نوع موهوم نوع موهوب بس بيلعب في الموضوع
نوع إن و كان و اخواتها والمرغوب هو الممنوع
نوع يزعل من كتر الفرحة نوع يفرح ويسح دموع
والشجاع = خواف و الجبان شغال سياف
خٍلف خٍلاف
أي كلام في أي كلام . المهم انا هاخد كام
ياللي قلمك جوه جيبك . لو نويت تستخدمه
اوعي يوم تهمل ضميرك . عيش تطاوعه وتخدمه
واللي تحس بيه وبس . هو ده اللي تقدمه