الخميس ٤ يوليو ٢٠١٣ -
٥٩:
١١ ص +02:00 EET
.jpg "وسقطت الجماعة بمصر")
وسقطت الجماعة بمصر
بقلم : نشــأت عــدلي
طالع انا طااااااااااالع
عليّ الطلاق انا طالع
بس طالع علي عيني
اه ياشعب طلع عيني
مش عاجبكم حكم الخرفان ؟
دانا بحلم بحكمكم من زمان
والله دا انا طيب وغلبان
واتمريست عليكم بطلب الاخوان
مش انتو اللى حبيتوا الاخوان
مش انتو اللى جيبتوا الاخوان
وهما جابوني عليكم طرطور
مانا طول عمري ليهم طرطور
حتخسروا ايه لو قعدت شويه
صح الكرسي كبير علي واحد عرعور
لكنه كان امل ..عليه بنلف وندور
ولما جه الامل تضربوني بالشلوت
وتقولوا روح يابن سنية ياهلفوت
طب انا مالي
مش هما اللى قالوا تعال ياكتكوت
حنخليك ريس ونزور لك كل الكروت
بس زي ما نقولك تقول
وتبقي راجل كده وتعمل عليهم غول
واحنا حنضفك ونلبسك ونحمّيك بديتول
وكل واحد يعارضك تقول عليه فلول
وبقيت حلو وشيك وواد مطيع
وبطلت أشد البنطلون ولبست حزام لميع
وسمعت الكلام وخصوصي كلام الريس بديع
وبعد كل ده اتبهدل واتهان وانا واد وديع
تشتموني وعايزين تطردوني وكله يضيع
عليا الطلاق مانا قاعد معاكم يابلد ثوار
وانا قاعد احايل فيكم واقول ثوار احرار حنكمل المشوار
وعملت لكم بطل مغوار
اديني غاير من نص المشوار
بسبب الثوار الاحرار
خلاص طالع يامصريين
بس بلاش تاني السجن اللعين
خلوا الحبل يتلف علي راس التانين
وبلاش راسي انا أصلي تخين
باى باى .. حتوحشوني ياملاعين
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
English
