الأحد ٧ يوليو ٢٠١٣ -
٠٧:
٠٥ م +03:00 EEST
صوره ارشيفيه
للشاعر فايز البهجورى
عندى رساله بأقولها لكل المصريّين
مصر أمانه فى رقبة كل المصريّين
انت وهوّ وهى وهمّا عن سلامتها مسئولين .
دافعوا عنها انت وهوّه.
دافعوا عنها بهمّه وقوّه.
وان ما دافعتوش حتضع منكم
مش راح تبقوا فيها آمنين
*-----------***-------------*
مصر كرامتك من كرامتها
مصر شموخك من عظمتها
مصر سلامتك فى سلامتها
لو تتخلّف عن حمايتها
حتبقى مغنم للطامعين
*-----------***-------------*
مصر دى أرضك مصر دى عرضك
مصر دى موطن جدى وجدك
مصر دى واحة ابنى وابنك
أوعى تهوّن فى عزتها
أوعى تقصّر قى حمايتها
لو حتغفّل عن حراستها
راح يخطفها الخطّافين
*-----------***-------------*
آدى رسالتى بأقولها لكل المصريّين
مصر أمانه فى رقبة كل المصريّين
مصر أمانه فى رقبة كل المصريّين
انت وهوّ وهى وهمّا عن سلامتها مسئولين
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
English
