الأحد ١١ اغسطس ٢٠١٣ -
٢٦:
٠٣ م +02:00 EET
بقلم / أشرف فايز
مافيش راحة ولا طمأنينة
ولا الفرح بيبقى مالينا
ولا سلام بتشوفه عنينا
غير لما بنكون وياك
بنرفرف بجناحنا لفوق
وبلهفه في قلبنا وبشوق
نكسر أي قيود أو طوق
يمنعوا عيننا من رؤياك
====
مش هانخاف من المستقبل
ونفوسنا فرحانة بتهلل
راضيه ياربي بيك وهاتقبل
كل عطيه بكل سرور
ولا أحزان تقدر تكسرنا
ولا الخوف يقدر يإسرنا
شاخصة لمجدك كل أبصارنا
ومتهللة بالنور
====
وسط البحر ياربي إن هاج
إيدك تنتهر الأمواج
بتلبي طلب المحتاج
وتاخده لبر أمان
تجرح وأيديك تعصب جرحي
تسحق وأيديك هي بِتِصحي
وتبدل أحزاني لفرحي
وماتعودشي الأحزان
=====
مهما عدو الخير يحاربنا
أيدك ساندانا في تجاربنا
بتكمل لنا ضعف قاربنا
وتعدينا لبر نجاه
صرختي ليك دايما مسموعة
وصلاتي كبخور مرفوعة
بحرارة دمعي مشفوعة
ارحمني ارحمني ياألله
بالفيديو : تدمير كنيسه الملاك ميخائيل و الأنبا أنطونيوس بقريه الديبيه
English
