بقلم : مينا مجدى | الثلاثاء ١٧ سبتمبر ٢٠١٣ -
٥٠:
٠٨ م +03:00 EEST
ايوه نفسي
اسرق الباقي ف حياتك
وابقي قدامهم مراتك
ايوه طمعانه ف ثواني
عيني تحضن فيها عينك
ايوه نفسي ،
البس الفستان بتاعي
وانت بتأنكج دراعي
ايوه نفسي ف دنيا حلوه
لو تكمل نص دينك
ايوه نفسي ف عمر جنبك
وابقي طايره ف ألف حاله
ايوه نفسي ف بيت صغير
حتي لو أوضتين وصاله
ايوه نفسي ،
اخطفك كلك بحالك
لما اكون مامة عيالك
ياخدوا مني وياخدوا منك
نقسم الأيام ما بيننا
ايوه نفسي ،
ابقي حلم حلمته جالك
نصك الحلو وحلالك
كل يوم جنبك يعدي
الحياه يا حبيبي جنه
ايوه نفسي ف عمر جنبك
وابقي طايره ف ألف حاله
ايوه نفسي ف بيت صغير
حتي لو أوضتين وصاله
English
