الأقباط متحدون

ميدان تحرير

بقلم : مينا مجدى | السبت ٥ اكتوبر ٢٠١٣ - ١٤: ١١ ص +02:00 EET

ميدان التحرير

فلاش باك

مينا مجدى

كل ما عينك تيجي ف عيني ،

قلبي بيرجع ب "فلاش باك"

ساعة ما قابلتك من مده

وإحنا هناك

يوم ما لقيتك جايه عشاني

ونبرة صوتك قبل ما تيجي

ف التليفون

ده انا فاكر حتي الكول تون

اللي وحشني ف ساعة ما انتي ما جيتي ف بالي

فمسكت التليفون كلمتك

وقت ما كنت ببص ف صورتك

اللي علي جهازي مسيفها

من ساعة ما انتي بعتيها

من كتر ما زنيت وانا قايل :

نفسي اشوفها

وقت ما كنت بقولك فاكره

أول مره إحنا إتكلمنا

بعد ال "هاي" الحلوه بتاعتك .. قولت : إزيك ؟!

وانا بدعي لربنا وف سري

نفسي ف واحده تكون كده زيك !