السبت ٢٦ اكتوبر ٢٠١٣ -
١٤:
١٠ ص +03:00 EEST
زميلك تعبان
مينا مجدي
وقالولها زميلك تعبان
بيموت ، واللي فاضلله ثواني !
بالنسبالها مكنش صديق
بالنسبالها ده كان شئ تاني
كانت بتحبه ومقالتش
كل ما تيجي تقول بتخاف
شوقها ده سر
ولا مين دري بقي ولا مين شاف
لما قالولها خلاص بيموت
جريت فجأة عشان ريحاله
كان نفسها بس تقولهاله
وتوريه شوقها و ضحكتها
ودموع عينها اللي بكيتهاله
مشيت
جريت
سابقت كل دقيقة تفوت
نفسها بس تقوله بحبك .. وتقولهالوا بعلو الصوت
بس -ف ثانية- ماتت هي !
من خوفها عليه إنه يموت
واللي يجنن إنه مامتش !
عاش علشان يسمع بودانه
صوتها وجاي من قلب تابوت
بتقوله بحبك و بحبك
ايوة سمعها ،
وبرغم إنها من غير صوت
..
من يومها وكل العشاق
بقوا بيقولوا : بحبك موت !
English
