"ردود أفعال متباينة صاحبت تأسيس التجمع القبطي الدولي خاصة بعد الطموحات القبطية لوجود كيان قبطي قوي يعبر عن قضايا الأقباط المشروعة في مصر عبر لوبي قبطي دولي يكون له صوت موحد في القضايا المهمة التي تخدم مصر والقضية القبطية وفي هذا الحوار مع الأستاذ كمال عبد النور رئيس التجمع القبطي الدولي سنحاول الإجابة على عدة أسئلة مهمة تتعلق بالتجمع وأهدافه ودوره وهل خدم مصر والقضية القبطية أم مجرد اسم بلا محتوى وأيضا موقف التجمع من الدستور والاستفتاء وترشح السيسي للرئاسة وخدمة مصر اقتصاديا وسياحيا ورأيه في حزب النور السلفي إلى غير ذلك من الاسئلة في هذا الحوار الهام فإلى الحوار" :
 

ــ  أنا أسست منظمة اندماج وصداقة أقباط النمسا سنة 2006 تقريبا من مجموعة خدام فى مدارس الأحد وعندما  وجدنا خدمة مدارس الأحد زحمة وفى خدام كتير قلنا نخدم خارج اسوار الكنيسه، وفعلا قمنا بالاهتمام بالناس القادمة إلى النمسا   جديد وألحقنا اولادهم بالمدارس و بحثنا على شقق لهم وعرفناهم القانون و ازى يشتغلوا أو يستمروا في البلد وكان في بعض الاقباط جايين هاربين من التهجير الجبري والقسري وعملوا لجوء لانهم مش عارفين يقعدوا قانونى فقمنا بمساعدتهم وهكذا و لكن فى مشكله يتعرض لها بعض الناس في اللجوء وهي انهم بياخذوا فيزا فرنسا مثلا وعايزين يقعدوا فى النمسا مينفعش فلازم يترحلو الى فرنسا حسب معاهدة دبلنج وهكذا السويد وايطاليا والمجر واسبانيا وبعض البلاد وهنا عبر الخدمة  الخدمه منقدرش نواصل معاهم فجاءت فكرة التجمع القبطى الدولى لكى نساعد هؤلاء فى جميع انحاء العالم.
 

ــ التجمع القبطي الدولي هدفه توحيد كلمة الاقباط وخدمة الأقباط على مستوى العالم وعمل لوبى لان لقينا صعوبة اننا نوصل للغرب أن 30 يونيو ثورة شعبية  وليست  انقلاب عسكري ،ونشكر ربنا وصلنا الفكره باحتفالية وبرامج تليفزيون غربيه ومظاهرات ضد مظاهرات الإخوان واحتفال بسقوط الإخوان بكل اللغات وهكذا.وأعضائه من النمسا ومصر وامريكا وكندا واستراليا وفرنسا وألمانيا والسويد ودبي والإمارات وانجلترا وهولندا وايطاليا وفى دول كتير كلمتنى تنضم الينا فى الانتظار حوار معاهم .
 

ــ  جماعة الإخوان(الإرهابين) وزعوا منشورات على الأجانب مكتوب فيها:  متنزلوش مصر علشان مصر دولة إرهابيه والفلوس بتاعة السياحة بياخدها الجيش وبيجيب بيها سلاح ويقتل بها المواطنين اللي هما الإخوان الارهابيين.  فاحنا كتجمع دولى قبطى فكرنا نتعامل مع هذه الامور ونواجهها  بالعمل وعملنا حفله كبيره وجيبنا فنانين مثل سمير الاسكندرانى وشروق من الاوبرا وفرقه من النمسا فرقة الامير وشاعر وأثناء لفنانين يقمون بالغناء وراءهم  شاشه كبيره وعرضنا الاماكن السياحيه مثل الاهرام والنيل ولقصر وأسوان والمعالم السياحية بالجمهورية وطبعا شرم الشيخ والغردقه وايضا شركات سياحه كانت موجوده بتعمل عروض خرافه للأجانب لدعم السياحة وبهذا ردينا على الاخوان  بشكل عملى وثانى يوم عملنا حفله فى المسرح ب "فينا "15 وحضر سعادة سفير مصر بالنمسا خالد شمعه ووزير الخارجيه السابق وبعض الدبلومسين ومستشارة السياحه المصرية، والمستشار الثقافي وبعض الدبلوماسيين وايراد الحفله كان تبرع واتفقنا ان هذا الدخل سيذهب الى ضحايا الارهاب وبالفعل منتظرين منظمة الاتحاد العام للمصرين ونرسل الفلوس عبر اعضاء التجمع القبطى الدولى بمصر. 
 

ــ .انا معتقدش ان الكنيسه ترفض اى عمل خيري. وبعدين هاتلى ايه واحده فى الانجيل بتقول ممنوع فعل الخير خارج الكنيسه مفيش !! فاذا عمل الخير مش محتاج اذن من احد
 

ــ دكتور حسن موسى مسافر فى الاردن واثيوبا بعد الحفل منتظرين حضوره الى فينا وبمجرد مايوصل سيعقد اجتماع ونرسل او ننزل بانفسنا نوصل الفلوس لاهالى الضحايا. 
 

.ــ الدستور الحالي في رأيي يعد مسألة  حياة أو موت و نحن نصوت بنعم لخارطة المستقبل أو الطريق مع تحفظي على أى ماده دينية بغض النظر لان إدخال الدين في عقد بين الشعب والدولة عنصرية إلا فى الأحوال الشخصية مثل الزواج والطلاق فقط لاغير ولكن عندنا أمل في تغيير أو تعديل في هذا الدستور في المستقبل والدستور الحالي فيه مواد اجابيه افضل من دستور 2012.
 

ــ انا ليس لدى تخوف من اعمال العنف والارهاب لاني واثق في أن الجيش والبوليس المصري  هيكونوا موجودين بكثافه والإخوان الإرهابيين مش هيقدروا يعملوا حاجة خصوصا الآن بعد مابقيت جماعة الإخوان إرهابية بقرار رسمي  والعين عليهم.
 

 ــ عقدنا  اجتماعا  بالتجمع القبطي الدولي و اتفقنا جميعاً بالتصويت بــ"نعم "على الدستور.
 

ــ .حكومة الببلاوى حكومه ضعيفه علشان عارفين انهم مؤقتين وفى بعض الوزراء شغالين كويس بس قليلين مثل منير فخرى عبد النو واتنين تلاته تانى.
 

ــ .قدمنا دعم للسياحه والتبرع لاهالى الضحايا ولسه فى مشاريع للفقراء تحت الدراسة مثل حاويه ملابس للشتاء وادويه ومع بعض واتفقنا مع بعض الاطباء على عمل عمليات للفقراء الذين ليس لديهم مال للعلاج والعمليات الجراحية. 
 

ــ انا مع الاحتفال مفيش خوف الكتاب المقدس قال 366 مره لاتخافوا يعنى يوميا بيقولنا متخفوش احنا اقوياء بربنا الخوف مالوش مكان
 

ــ احنا سجلنا اسمائنا عن طريق سايت "الموقع "وبعدين بنروح السفارة، وننتخب الموضوع سهل مش صعب
 

 ــ الحقيقه احنا نتمنى بس زى مانت عارف كلنا بنشتغل أشغالنا اللى بناكل منها عيش وهذا النشاط محتاج دعم وبنصرف من جيبنا وعلى ماعتقد الفضائية محتاجه فلوس كتير يمكن في المستقبل ليه لا؟
 

ــ الفريق عبد الفتاح السيسي إنسان مصري أصيل ووطني كبير بس على مااعتقد مكانه كويس كده،  لانه من مكانه معاه صمام الأمن والأمان، و أخاف السياسة تشغله لكن ممكن بعد كده لكن الآن مكانه مهم جدا لمصر. 

 

ـ حزب النور هو حزب من أحزاب تجار الدين وعلى ما اعتقد الشعب عرف انهم تجار دين اتمنى أن كل الاحزاب الدينيه تتحل ويكون فيه ازهر وبس
 

  ــ اعتقد أن هذا السؤال تم الإجابة عليه، بعد القرار الرسمي لمجلس الوزراء بإدراج جماعة  الإخوان على قائمة الإرهاب.