الأقباط متحدون

لعبة حاورينى ياكيى فى اللف وفى الدوران

السبت ١ فبراير ٢٠١٤ - ٢٧: ٠٧ ص +02:00 EET

صوره تعبيريه

مجدى نصيف

ولا تعرف مين مسجون ولاتعرف مين سجان

والناس بتكفر بعض دة سلفى ودة أخوان

راحت هيبتك يابلدنا راحت حقوق الانسان

يرحم هيبتك يابلدنا لما تفاوضى الارهاب

وفتحتى علينا جهنم وفتحتى الباب لكلاب

فتحتى علينا الباب أشى فتح وأشى حماس

وولادك اللى فى سينا ملهومش فيها مداس

سكيتى عليا يابلدى وقفلتى ميت ترباس

علشلن حاورينى ياكيكى علشان حبة أنجاس

ياخير أجناد الارض ماتقولى ساكت لية

اللى يقرب من عرضك مايتنسكتش علية

لايغرك صلاة ولا فرض ياأبو بدلة كاكى وبارية

لما انتو ياجيش ساكتين الشعب هيعمل أية

ولا انتو خلاص سيبتوها فى أيدين المحتلين

اللى بيبيعو فيها... ويتاجرو بأسم الدين..

عمر أبو دقن وزبيبة ماهيبقى عليها امين

سينا أرض مصرية ..لاهى غزة ولا فلسطين.

خطفو ولادك ياشاويش..بالذمة مش مكسوف

تدى تحية للخاطف؟؟؟؟؟؟؟؟واللوم بقى على المخطوف