«مش عايزين حد ميلاقيش لقمة العيش، أو ينام جعان»، كلمات تبدو بسيطة لخصت ما يريده نصر أحمد، بائع حمص الشام على كورنيش النيل، من الرئيس القادم. وقال أحمد: «أنا عندى ٢١ سنة ومعايا دبلوم صنايع، وسافرت برة واتبهدلت كتير أوى ورجعت بلدى واتبهدلت أكتر، عشان كده مش عايزين حد ميلاقيش ياكل».

وتابع: «كمان عايزين من الرئيس يرجع الأمن عشان الناس متخفش تخرج من بيتها، لأن إحنا أكتر ناس اتأثرنا بموضوع غياب الأمن، الناس خايفة تخرج تتفسح أو حتى تسيب عيالها تخرج عشان مش حاسة بالأمان».

وأضاف: «كمان الرئيس اللى جاى لازم تكون شخصيته قوية عشان يعرف يحكم البلد ويمنع التخريب اللى بيحصل فيها ده، ويوقف المظاهرات».

وفى نهاية حديثه طالب أحمد الرئيس بتحقيق العدالة الاجتماعية، وقال إنه يحلم بتوفير حياة كريمة للناس الغلابة وحل جميع مشاكلهم لأنهم يمثلون أغلبية الشعب ولن يتحقق الاستقرار إلا بإرضاء تلك الفئة.