قال المستشار مرتضى منصور، عضو مجلس الشعب السابق، إنه المسئول عن إيقاف برنامج «البرنامج» للإعلامي الساخر باسم يوسف أثناء عرضه على قناة «سي بي سي»، وإنه سيكرر ما فعله مرة أخرى بدعوى أن «البرنامج ينشر الإسفاف بين الشعب المصري».

ورفض «منصور»، في حواره لبرنامج «حزب الكنبة» على قناة «القاهرة والناس»، مساء الأربعاء، حضور النساء لبرنامج باسم يوسف، قائلًا: «يعني إيه الستات اللى بتروح تتفرج عليه وتسمع لفظا إباحيا، وهى تضحك فين الحياء، وفين جوزك ولا أبوكي، وإزاي يكون في راجل محترم يسمح بذهاب زوجته للبرنامج».

وأضاف: «الولد والأراجوز باسم يوسف، أنا خلصت عليه، أنا اللي وقفت برنامجه مش محمد الأمين، روحت لوزير الاستثمار أسامة صالح، احتلينا أنا ومجموعة من المحامين المحترمين في البلد هيئة الاستثمار، وقولنا مش هنمشي، إلا لما باسم يوسف يوقف، وإسرائيل لا تجرؤ على إهانة جيش مصر، وأمريكا بتمول باسم.. وبقولك يا باسم أنا وقفت برنامجك وهوقفه تاني».