المصريون يسخرون من تفجيرات مترو الانفاق: "صباح الإرهاب"

كتب – نعيم يوسف
عندما يحدث انفجار في أي مكان في العالم يجري الجميع بعيدا عن المكان، ويتألم الجميع ويعبرون عن ذلك في تعليقاتهم على الحدث.. إلا المصريون فقد تعلموا أن يضحكوا ويسخروا من آلامهم وهو الأمر الذي فعله المصريون تجاه التفجيرات الأخيرة وخاصة التي استهدفت مترو الأنفاق....
"الجميل إن القنبلة انفجرت قدامنا"
وعبر المصريون عن سخريتهم على مواقع التواصل الاجتماعي حيث قال "أحمد عبد الحميد أحمد": "الجميل أن القنبلة انفجرت قدامنا و إحنا داخلين محطة المترو و الجو كله كان دخان ابيض يخليك مش شايف حتى رصيف المحطة لقيت بس اتنين تلاتة خارجين يجروا من المحطة و على النقيض اكتر من 50 فرد داخلين المحطة عادى خالص  و لا كأن فيه اى حاجة". 

وأضاف: "لقيتنى داخل معاهم و واقف عالشباك و بقطع تذكرة  لدرجة انى شكيت فى نفسى ان يكون فيه قنبلة انفجرت  مع انى شايف كل حاجة  و بقول للراجل اللى بيقطع تذاكر " هو المترو شغال ؟ " قالى " ايوة يا بيه " و قطعلى تذكرة عادى جداً".

وتابع: "و دخلنا وقفنا عالرصيف وسط الدخان  و بعد ما دخلنا المحطة المترو جه و طبعاً طبعاً المترو موقفش فى المحطة و طلع بأقصى سرعته  و الناس واقفة مستنكرة و بيشتموا السواق و بيقولوا هو بيجرى ليه ؟ لحد ما جه ظابط و خرج الناس من المحطة و هما بيقولوله  " ياعم بتخرجنا ليه متأخرين عالشغل مش خلاص انفجرت ! ".

"أعملك شاي يا أسطى"
كما قام البعض بنشر صورة بها مجموعة من المصريون يحيطون بأحد خبراء المفرقعات وهو يفكك أحدي القنابل وعليها تعليقات ساخرة مثل: "روحي هاتي العيال خليهم يتفرجوا شوية"، و"أعملك شاي ياسطى"، "أيوه يا سامية هقولك لو انفجرت متقلقيش".
وقال الكاتب الصحفي نبيل شرف الدين: "انفجار عدة عبوات بدائية في ٥ محطات مترو ومحيط محكمة مصر الجديدة أسفرت عن إصابات ضبط مشتبه أصيب خلال التفجير تهنئة الإخوان برمضان على طريقتهم".



صباح الإرهاب
وقال الكاتب الصحفي محمد عبد الرحمن: "صباح الإرهاب : 3 انفجارات متزامنة بثلاث محطات مترو .. غمرة، شبرا، حدائق القبة"، وعلق "محمد عثمان": "الحمد لله علي سلامتك .... تعيش وتفرقع"،  وعلقت علياء جاد على خبر من شبكة رصد: "رصد| سماع دوي انفجار منذ قليل بمنطقة كوبري الإخصاص شمال المنيا"، وقالت: "طيب معنى كدا أن في انفجار هيحصل بعد شوية في المنيا، يا أهل المنيا استعدوا".

"هيتفجروا ولا يتأخرو على الشغل"
وقال المحامي "خالد أبو بكر": "في طفله ماتت النهارده في انفجار بكره وانت بتفطر مع أولادك تخيل ان حد فيهم مش هاتشوفوا تاني ده الإرهاب بجد كلنا هنرعي أسرة حارس سنترال أكتوبر"، وقال "محمد يحيي": "يعنى ينفجروا ولا يتأخروا ع الشغل؟هههههههههه"، وعلق حساب لـ"المقدام اشرف": اوعوا حد يعمل كده الله يخرب بيتك ده ممكن يتكهرب ويموت انت صح"، بينما قال حساب "قلم صحفي": "شعب متعايش مع الإرهاب".