رفضت الفنانة رانيا يوسف، توجيه الانتقادات مبكرا لمسلسل "السبع وصايا"، وقالت: "اللى مش عاجبه المسلسل عندكم الريموت كنترول، غيروا وهاتوا أى مسلسل تانى".

وأضافت "رانيا يوسف" فى مداخلة هاتفية لبرنامج "ملفات" على قناة "الفراعين"، مساء أمس من تقديم سوزان شرارة: "فيه 45 مسلسل فى رمضان، اللى مش عاجبه مسلسلى، يغير بالريموت".

وأشارت إلى أنها ستنتهى الأسبوع المقبل من تصوير باقى حلقات المسلسل، مضيفة: "محدش يحكم على المسلسل من كام حلقة، اسمعوا المسلسل للآخر، وبعدين ابقى احكموا".

وتابعت: "الاختلاف فى الآراء حول المسلسل، شىء صحى، وده كويس إن الناس واخده بالها من المسلسل، ولكن العمل الفنى فيه عناصر كثيرة أوى، لو فيه شخصية أو شخصيتين فيها شذوذ، فيه شخصيات عادية فى الحياة، يعنى مش كل حاجة بتاخد 100%".