هاجم الشيخ مظهر شاهين، إمام وخطيب مسجد عمر مكرم، الإعلامية ريهام سعيد، على حلقاتها الأخيرة التي أثارت الكثير من الجدل والسخرية على مواقع التواصل الاجتماعي المختلفة واتهام البعض لها بالفبركة.

وقال «شاهين»، عبر صفحته الشخصية على موقع التواصل الاجتماعى «فيس بوك»، الأحد: «المذيعة إياها بتاعت العفاريت كل ما تتكلم تقول أنا هكمل رغم كل اللي بيحصل، محسساني إنها بطلة شعبية أو تقريبا عاوزة تعيش دور المناضلة، ده مش عفريت كومبارس وخرجتيه عشان تشترينا بيه».

وأضاف: «يا ست هانم النجاح اللي بيكون تمنه فضايح الناس هو في حد ذاته فضيحة، وبالتالي فيه فرق كبير بين النجاح والفضيحة وواحدة ناجحة وواحدة مفضوحة، يعني مشهورة، يا ست هانم النجاح الحقيقي هو انك تنتصري على الخزعبلات والشعوذة لصالح القيم لا أن تنتصري على القيم لصالح الدجل والشعوذة، استري الناس عشان ربنا يسترك».

وتعليقًا عن الصورة التي نشرتها بخصوص سفرهن لأداء العمر، تابع: «اه والنبي تكملي معاهم المشوار وخصوصا في ظل فقر الموضوعات الإعلامية أصل الواحد ما بيصدق يقفش في موضوع يشتغل عليه شوية..وماتنسيش تتصوري معاهم في الحرم وتعملي معاهم حوار عند بئر زمزم وتنزلي بالتتر بعد وصولكم سالمين إلي أرض الوطن في مطار القاهرة..دي هتبقي عمرة قصدي حلقة تجنن وهنعيط لما نشبع، إلي الجن الكومبارس: مالكش بخت يابن الجنية استعجلت وخرجت ليه ؟ كنت استني شوية كان زمانك رايح معاهم السعودية وتعمل عمرة وتخلع هناك وتزوغ للحج ..ياللا الجايات كتير والبركة في الإعلانات».