كتــب: هـاني شــهدي
من كام يوم وأنا في الشـغل ، كنت بحكي حكاية مع واحد أول مرة أتكلم معاه ، واســترسلنا في الكلام وعــرفت أنه سنه ٦٢ سنة برغم أن شكله حقاً لا يــتعدي اواخــر الأربعــينات ، فوجئت بيه بيقولي عارف إيه الســـر في أن سني يظهر صغير، الســر في أنك تحــيا بحيــاة الأيـــمان ، وكل يوم تخــلّي ربنا يبـــعتلك ايــمان وقــوّة تتــعامل بيها مع الناس علشان تكون محبــوب وقــّوة تتغلب بيها علي المـشاكل وتحقق أهــدافك بدون يأس، وعرفت أنه شـارك في حــرب فيــتنام وياما ماتت ناس جـنبه وكانت من أصعب الحروب بس بيشكر الله أني لسّة عايش.أنا بجد أتفاجئت أن في ناس عندها الــقـوّة والإيمان ده، وبالفـكر الراقي ده، اليوم ده روحـت مبـــسوط أني اتعرفت علي هذا الشخص ومبــسوط من كلامه.

اليوم التالي في نفـس المكان شخص أخر استرسل في الحديث معي ومع صديق أخـر عن العنــصرية في أمـريكا وفي أمور أخري ســياسـية ونفــسية مُحـبطة وفي غلاء المعــيشة والضـرائب وهي أمـور واقعــية صعب انكارها ، فأندهشت أن هذا الشخص يشتكي من هذه الأمور " امـال أنا أعمـل أيه الغـــريب؟!" . فحقاً رجـعت هذا اليوم متــضايق ومكتــئب من هذا العابث الوجـه دائماً ومن حديـثه.

لمّا قعدت مع نفسي استنــتجت كام حاجة: -
-الواحد فينــا وهو مضــايق أو بيمر بمشكلة معينة بتكون مناعــته النفســية ضــعيفة جــداً وعرضة للإصــابة بأي فـيروس نــفسي من أي شخــص يسبب له " قـيء واســهال" نفـــسي بمعني يقـعد يفتكر المصـيبة, ومتي حصلت, وليه اشمعنى ربنا عمل كدا معه...ألخ.لـــحد ما يتــصفي ويتــهد.
العلاج: أبــعد عن التعامل والتعرض لمثل هذه الأشخاص في هذا الوقت من العام عبر التـليفون أو الشـات أو الحـديث المبـاشر أو نشـرات الأخـبار والـحروب.وغـالباً فيـروس الاكتئـاب بيصيب الناس دي طول السنة فأحسنلك أبعد عنهم بردو طول السنة وانســـــحب.

- وانت مضايق التصق واتكـلم مع ناس ايجابــين ويـعرفوا قـوّة الله حتي لو حاسس جوّاك أن الناس دول "مدروشين" وكدابين، علي الأقل هما مؤقتاً هيحــموك من اخـتراق الشـيطان النفسي ليك وأنت ضعيف وبالتأكيد هيحفظوك فوق درجة "الصفر النفسي" اللي هو النقطة اللي أنت عندها لا مبسوط ولا زعلان.
-خلي عندك "رصــيد نفسي" تسحب منه في أوقات الضيق وما أكثرها هذه الأيام ، نكتة حلوة ، أغنـية خفـيفة ، مشهد كوميدي من فيلم ، بس دي كلها مسكنات ضعيــفة ومــؤقتة ، كلمات الله غنية ومقدسة ورصيده لا ينضب