ابرام تاوضروس - كاتب ومدرب تنمية بشرية
 اللى يعرف ربنا عمره مايقتل ولا يظلم ولايخطف ولايغتصب حق حد
اللى يعرف ربنا يبقى مليان بمحبه لان "الله محبه" وهو مركز الحب فى هذا الكون.
اللى يعرف ربنا يعمل خير دايماً

اللى يعرف ربنا ينفذ وصاياه واعمالكم ضد شريعة الله.
قتلتو ناس بريئة وغلابه، ناس متغربه بقالها سنين علشان الفلوس
منهم اللى بيصرف على والديه الكبار فى السن .

ومنهم اللى بيصرف على اطفاله وبيتمنالهم مستقبل أحلى وشغلانه محترمة علشان ميتبهدلوش زيه.
ومنهم اللى مسافر علشان يكون نفسه ويقدر يعمل بيت صغير ويعيش زيه زى اى انسان له طموح وعايز لقمة عيش شريفه بعرق جبينه.

ليه عملتو كده؟؟
استفتدم ايه؟؟

ربنا بريء منكم ومن افعالكم وبنصليلكم ربنا ينور بصيرتكم ويغير قلوبكم الحجرية بقلوب لحمية تعرف ربنا بجد .
الله يسامحكم