سؤال الامتحان بمناسبه الامتحانات على الابواب وكده فدايماً فيه سؤال متوقع بيجي من اخر باب فى المنهج والباب ده بيشرح العلم من وجهه النظر الاسلاميه يعنى لو كنت بتدرس ماده علم النفس فلازم ولابد ان يكون اخر باب فى الكتاب هو علم النفس من وجهه نظر اسلاميه ولازماً ولابد وحتماً ان

وجهه النظر الاسلاميه تتفوق على فرويد نفسه وكل علماء النفس القدامى والمحدثين وده برضه بيحصل فى كل المواد سواء علميه او ادبيه يعنى لو بتدرس اى ماده لازم تحفظ اخر باب الا وهو وجهه النظر الاسلاميه للعلم ده وضرورى ترص اللى حفظته زى ما هو عليه عشان تاخد اكبر الدرجات وان ما

عملتش كده ولو لا قدر الله يعنى وبحثت على النت ا وفى مراجع تانى اوكان لاسمح الله ليك رأى مختلف عن كده انسى الماده وانسى انك تنجح فيها وده اللى قلب كل الثورات العربيه اللى هى ثورات الربيع العربي الى ثورات اسلاميه وخلقت نوع من التضارب هو مين اللى قام بالثوره الاسلاميين صح ولا الشباب

العادى التعبان الثائر على الاوضاع اللى فى بلادهم ولاننا اتعلمنا دايماً ان وجهه النظر الاسلاميه هى احسن وهى الاصح دائماً فهنا ظهرت مشكلات الثورات العربيه انه ليه ما تكنش الثوره اسلاميه وليه ما نرفعش رايه الجهاد مادام ده اللى اتعلمناه واتربينا عليه وزى ما قلنا انه عشان تنجح فى الامتحان لازم تحفظ

ان وجهه النظر الاسلاميه هى الاحسن وهى الاصح وهى الاصلح دائماً فتم تطبيق ده على ثورات الربيع العربى وفوجئت الجماهير بأن اخر باب فى الكتاب بيتم تطبيقه حتى فى الثورات اللى عملها الشباب وناس تانى مش اسلاميين خالص ومن حيث انه بيتم الان تنقيه المواد العلميه من الفكر المتطرف فالمفروض

ان القائمين على تنقيه المواد ياخدوا بالهم من الموضوع ده وما نرغمش الطلاب على حفظ ان وجهه النظر الاسلاميه هى دايماً الاصح ونسيب العلم يتم تدريسه بقواعده ونظرياته وتطبيقاته اللى وضعها علمائه