الأقباط متحدون

عمري فِداك

الخميس ٢٣ ابريل ٢٠١٥ - ٢٧: ٠٦ م +02:00 EET

بقلم: زهير دعيم - الجليل

قُربان محبّي ، بأقدّم نفسي

عَ مذبح ربّي ، بصمتي وهمسي

يا مَن فَديتني ، ولوّنتِ أمسي

وزرعت عُمري ورد وحِنيّه

بتمُرّ ببابي ، بعَتم الليالي

وبتدقّ برقّة ، وبتلمس خَيالي

غيرَك ما إلنا ، يسوعنا الغالي

فادينا حياتنا من المَنيّه

عمري فِداكْ ، والنَّفس أبيّة

أبغي رِضاكْ ، وعيشة هَنيّة

وأطير وأيّاكْ ، بشوق وشهيّة

الى حِماكْ ، السَّما العلوية