بقلم - عصام نسيم
تحت شعار بعنوان  " شعب الكنيسة غضبان يا كنيسة  أعلنت بعض الصحف قيام بعض النشطأء ومنكوبي الأحوال الشخصية  قيامهم بمظاهرة داخل الكاتدرائية ( او خارجها كما أعلن )  حيث حصلت على تصريح امني للمظاهرة !

وقد نشرت الصحف على لسان الناشط  منظم المظاهرة : المظاهرة ليست ضد الكنيسة او البابا ولكن دعوة الكنيسة مراجعة بعض الاوضاع الخاطئة ! في الايبارشيات المختلفه ! تمام

ثم يكمل الخبر ان المظاهرة سوف ينضم اليها منكوبي الاحوال الشخصية من اجل المطالبة بحق الطلاق !!

وقد طالب احد نشطاء الرابطة ! جميع اعضاء الرابطة  ( الي بالملايين )الي الوقف هاو المظاهرة يوم  9 /9  الساعة 9 !  انتهى الخبر
اولا لا نعرف بالتحديد من الناشط الهمام الذي دعى الي الوقف هاو المظاهرة ولماذا وما هي مطالبة ؟!

الكلام الذي نشره الناشط ان الوقفه ليست ضد البابا او الكنيسة ( امال ضد مين ؟) يقول انها دعوة للكنيسة مراجعة بعض الاوضاع الخاطئة !
اوضاع ايه ؟ وخاطئه في ايه ؟ وفين بالظبط ؟ لا يهم المهم ان الناشط دعى الي وقفه علشان يوصل للكنيسة ان الشعب غضبان يا كنيسة !

فهل قام النشاط بعمل استفتاء لملايين الاقباط ليعرف هل هم غضبانين من الكنيسة ام لا ؟ لا اعرف المهم هو قال الشعب غضبان يبقى غضبان !
ثم هل يتكلم الناشط باسم ملايين الاقباط في الايبارشيات التي فيها الاوضاع الخاطئه ؟ ( الي مقلش هي ايه ) برضوا مش مشكله مدام الناشط قال كده يبقى فعلا الشعب غضبان يا كنيسة !!

طيب حضرتك مين و  نشاطك ايه وفي ايه الظبط  ؟ ! حضرتك ناشط في ايه يعني  ؟ وما هي رؤيتك في الاصلاح وهل وجهت رؤيتك للكنيسة ورفضت هل سعيت في قيادات الكنيسة او الايبارشيات الي فيها اوضاع خطأ وطالبتهم بالنظر في اخطائهم ومحاولة تصحيحها بدل الوقفه الي مش هيبقى ليها اي لازمه غير انها هتشهر حضرتك شويه وتتخليك تطلع تتكلم في البرامج تهاجم الكنيسة وتشتم فيها وتتهمها وبكدة هتاخد عضوية " ناشط قبطي بامتياز وجدارة " وتكون ضيف في البرامج والصحف محضرتك بقيت ناشط قبطي اد الدنيا !

طبعا بالدخول على صفحة الناشط القبطي صاحب دعوة الوقفه تجد في صفحته فعلا كل نشاط وهمه للاساءه للكنيسة والشتيمة والاتهامات والسخرية من كل شئ داخل الكنيسة القبطية وتعليقات مسيئة له هو شخصيا قبل ان تسئ الي الكنيسة وبكده أصبح أخينا ناشط قبطي !!!!

ثم مدام الموضوع فيه وقفه وهجوم على الكنيسه مستحيل ان لا ينضم اليها اصحاب مشاكل الاحوال الشخصية والمطالبين للطلاق بالمخالفة لقوانين الكنيسةووصايا السيد المسيح ! وايضا هيطلعوا ويقولوا الشعب غضبان يا كنيسة
الشعب عايز يطلق ويتزوج براحته بلاش قيود
الشعب عايز يكسر وصية السيد المسيح
الشعب عايز يعيش حياته وبلاها الوصايا الي اصبحت لا تناسب عصرنا
الشعب غضبان يا كنيسة لانك متمسكة بوصية الهك !

الشعب غضبان ! بس اي شعب  شعبهم هما مش شعب الكنيسسة
شعب الكنيسة محب لكنيسته وعاشق لها وحتى لو كان هناك بعض المشاكل او السلبيات الشعب يتعامل معها كمشاكل مع امه لا يسئ اليها ولا يهينها ولا يشتمها ولا يتهمها هو ده شعب الكنيسة مش شعب النشطا والمنكوبين الي ابتلت بهم الكنيسة واصبحوا شوكة في جسدها !
ربنا يحافظ على كنيسته وشعبها بس شعبها الحقيقي مش شعب النشطا  والمنكوبين !!