الخميس ١٥ اكتوبر ٢٠١٥ -
٤٧:
٠٣ م +02:00 EET
بقلم - أماني موسى
إنك تصحى الصبح تفتح عينك بتشوف وبتسمع وبتحرك إيدك، إنك تقوم من السرير وتتحرك وحدك وتروح شغلك أو تمارس حياتك وتبدأ يومك مش فرض عين ولا أمر طبيعي، أكم من بشر تحريك إيدهم بس أو الحركة لوحدهم بمثابة حلم وأمنية.
إنك تتنفس وتتكلم وتحرك أعضائك دة كمان مش طبيعي وأمر واجب، أكم من بشر يتنفسون من خلال أجهزة، والتنفس بشكل طبيعي بالنسبة لهم حلم غالي.
إنك بتمشي على رجلك وبإيدك بتساعد نفسك على إنجاز مهامك دة كمان مش طبيعي لكن منحة إلهية، أكم من بشر يعيشون بأجهزة تعويضية.
إنك تصحى في بيتك وعلى سريرك حتى لو فقير أو بسيط أمر يستحق عظيم الشكر، أكم من بشر يستيقظون على أسرة المستشفيات وعلى أجهزة تعينهم على بدء يومهم الطويل.
كل الحاجات دي وأكتر هي عطايا متجددة من الله كل صباح مش أمر طبيعي أو تحصيل حاصل أو لازم تحصل لكل البشر، إنما هي عطايا إلهية تستحق الشكر بل والامتنان.
English
التفاصيل الكاملة لحادث قتل سياح بالواحات.. الجيش يطارد إرهابيين.. السياحة: الفوج تواجد بمنطقة عمليات عسكرية وداعش تؤكد الرواية المصرية وتذبح أحدهم