قالت سمية طارق، المعروفة إعلاميا بـ"فتاة المول"، إن الإعلامية ريهام سعيد، مقدمة برنامج "صبايا الخير" على قناة "النهار"، سرقت 600 صورة شخصية "جدا" من موبايلي، أثناء تصويري لقاء معها.
 

وقالت "طارق" في مداخلة هاتفية لبرنامج "حضرة المواطن" على قناة "العاصمة"، مساء الأربعاء: "أنا روحت لريهام سعيد، عشان تدافع عني وتاخدلي حقي، وأنا مكنتش عايزة أطلع في الإعلام، ولا أذيت حد وكل اللي كنت عايزاه حد يتعرف على اللي ضربني".
 

وأضافت": "ببص لقيت هجوم من ريهام سعيد عليا على الهواء، بعدما ما سرقت 600 صورة من على من التليفون".

وتابعت: "ولما رفضت أكمل تصوير الحلقة، لقيتهم جايين بيجروا ورايا بيقولولي عايزين تمضي على الورقة دي، ولو رفضت أمضي هينشروا صوري الخاصة التي سرقت من على موبايلي"، بحسب قولها.
 

 وأوضحت أن "أحد الأشخاص بانتاج القناة، قالي (هاتي الموبايل أشحنه)، وفوجئت إنهم سرقوا صوري الخاصة جدا، ودلوقتي بيهددوني لو رفضت أطلع في البرنامج هينشروا صوري الخاصة".