![غالي و ايفونا غالي و ايفونا](uploads/2435/28_20151101150040.jpg)
غالي و ايفونا
كافيهات عديدة لا تخلو من الوجود الشبابى فيها، يجلسون فى شكل مجموعات، يقترب منهم فريق «أصحاب» للتعرف على ما يشغل بالهم أو محور اهتمامهم هذه الأيام، تواصل دائم سيقدمه أعضاء الملحق مع شباب وبنات من خلال مشاركتهم «قاعدة الكافيه» بكل ما فيها من قضايا جادة وأخرى طريفة.
فى أحد كافيهات 6 أكتوبر بات فيديو «إيفونا وحسان غالى» هو حديث «عبدالبارى» وأصدقائه، الأمر أثار اهتمامهم لدرجة وصلت إلى حد الخلاف، اختلاف وجهات النظر رصدته «أصحاب» فى نقاشهم، بدأ الأمر بالحديث عن مباراة الأهلى أمام غزل المحلة، فى الأسبوع الماضى، والفيديو الذى تناقلته وسائل التواصل الاجتماعى بعد إحراز حسام غالى الهدف وهو يحتفل مع «إيفونا»، البعض رأى أن التصرف ساخر والبعض الآخر رآه غير لائق.
قال محمد عبدالبارى، 22 سنة «إيفونا يعتبر أنه محترف فى الأهلى المصرى، وتلك النوعية من الاحتفالات بنشوفها فى الملاعب الأوروبية عادى، ولكن هنا فى مصر تناولوا الفرحة إعلامياً بشكل خاطئ وفيه تشويه للكابتن حسام غالى، لكن فى بلادنا لما نلاقى أى حد ناجح لازم نشوهه، الموضوع أن إيفونا هو صانع الهدف لحسام، وانتهى الأمر بحضن بين الاثنين ورمضان صبحى، الفكرة إن اللى شافوا الفيديو عادى هما الأهلاوية، لكن الزملكاوية شافوه بشكل تانى لمجرد إننا فريق منافس وعايزين يشوهوا صورة حسام غالى وخلاص».
وأضاف «عبدالبارى»: «حسام غالى كابتن كبير مش لاعب صغير مش مسئول عن تصرفاته، وبالتالى مش هيوقع نفسه فى غلط أمام الكاميرا، وكلنا كأهلاوية واخدينه مثل أعلى وعارفين إن ضربة إيفونا مجرد هزار أصدقاء داخل الملعب، بيحصل أكتر منه فى ملاعب بلاد برة، طب وليه ماتكلموش لما حسام غالى بعد ماتش السوبر كان على الهوا مع مهيب وإيفونا وضربه وطلع لسانه، الفكرة بس أن الكابتينو بتاع الأهلى مضايق الزملكاوية».
رد على جمال، 22 سنة، صديق «عبدالبارى»: «أى نعم أنا زملكاوى بس نظرتى للفيديو زى ناس كتير أن تصرف حسام غالى غريب خاصة أنه يعتبر قائد للنادى الأهلى بعيداً عن موضوع الشارة (يقصد شارة الكابتن التى لا يحملها غالى)تصرف ده بيحطه فى مأزق كبير خصوصاً زى ما قلت إنه قائد للنادى الأهلى ومش مجرد لاعب مغمور محدش هيتكلم عن تصرفه، وليه حسام غالى يعمل كده سواء مع إيفونا أو مع غيره، الصورة واضحة جداً وباينة مش محتاجة كلام، أنا شايف أن هى دى أخلاق النادى الأهلى وهى عدم الاعتراف بالغلط».