بيتر اسحق
نفسي اشوفك صدفه في شارع
نتعرف كده ومفيش مانع
وتقولي : تيجى نشرب حاجه
فاقولك : يلا ونتكلم

عن ضميري اصله بيتألم
عن ماضي عمال يتكلم
عن ناس بتجرح فيا
وعيونهم مليانه آسيه
كل م اقرب يبعدوا فيا
ويقولولي انت الخطيه

فجأه قالي : غصب" عنهم
ابليس حاطت
غشاوه في عينهم
دول ولا شافوا حتى ظروفك
بس انا شايف حبك ليا
بصتله انا .. بنظره قويه

فعرفت انه يسوع فاديه
قولتله :
ازاي توافق تكون صاحب ليا
بعد ما بعت تمنك فيا
وازاي تنزل من علي عرشك .. علشانى !!
انا الخاطى كمان والزانى
ودموعى راحت ماليه عنيا
فحضنى هو بحنيه
وبكف ايده طبطب عليا

وقالي : ليك عندى هديه
هى اورشليم السمائيه
بس انت ارجع يلا وصلي
وسيب كل الباقي عليا