قال الإعلامي إبراهيم عيسى، مقدم برنامج «لدي أقوال أخرى» على إذاعة «نجوم إف إم»، مساء الأربعاء، إن «الشباب رافض كل ما هو موجود الآن، لأنهم يتمردون على الأوضاع الراهنة».

 

وأضاف «عيسى» أن «المجتمع في دائرة مخنوق فيها، أنا بضايق من الحالة الأبوية للدولة، والتغني كل شوية بعايزين نعمل للشباب، ونتقدم بيهم».

 

وتابع: «أحنا دلوقتي كآباء نرفض ما يفعله الأبناء ونعتبر أن دي تقاليد غريبة، وإحنا كمان كنا زمان أبائنا بيرفضوا حالنا وينتقدونا بشكل دائم، مجتمعنا معندوش قدرة على التقدم في الفكر المجتمعي، والتطوير».

 

وتابع: «مينفعش نقول عايزين نوفر فرص عمل للشباب فقط، ولكن علينا فتح المجال لكل الأفكار المبدعة، حتى لو أصحابها سنهم فوق الخمسين أو حتى أطفال».

 

وأردف: «في ناس تستمتع بتغيب عقلها، وكل واحد بقى بيشرب عشان ينسى، ومبقاش في نضافة دماغ، ولكن الدماغ دي هي اللي هتقدمنا، وكل لما هنشغلها هنتمتع».