في أول تصريح لها عقب قرارها المفاجئ باعتزال الغناء، قالت الفنانة شيرين عبد الوهاب إنها تعيش حاليًا حياة أفضل، مؤكدة: "الحمد لله أنا دلوقتي أحسن، وأخدت قرار هيريحني".

وأضافت الفنانة شيرين في رسالة صوتية تم تداولها عبر مواقع التواصل الاجتماعي، اليوم الإثنين، "عايزة أعيش في سلام، ومش عايزة الناس تزعل مني، مش هقول مضغوطة، بس الحياة كبيرة عليا شوية، ونفسي أعيش للبنات واهتم بيهم".

وأكدت: "أنا مابقتش قادرة أكمل في الوسط، ياريت تبلغي رسالتي لكل اللي بيحبوني ما يزعلوش مني، ويدعولي أعيش بسلام، ما أقدرش استحمل يزعلوا مني، وأتمنى يكونوا فرحانين لي بقرار ممكن يريحني ويبسطني"، لافتة: "ربنا معانا جميعًا، ويقف معانا".

ووجهت الفنانة شيرين عبد الوهاب رسالة إلى زملائها بالوسط الفني: "كل الفنانين اللي قالوا رأيهم في قرار الاعتزال بشكرهم على روحهم الحلوة، شكرًا جدًا".