مصر وصلت لأعلى درجات حرارة على مستوى العالم النهاردة .. وعلشان يعدي اليوم من غير اعياء أو اصابات لازم نعرف ازاى نحمي نفسنا طول اليوم:

1- الإكثار من شرب السوائل خصوصاً المياه و عصائر الفاكهة الطبيعية مش المياة الغازية والسوائل اللي بتحتوي على سكر لتجنب عدم انتظام ضربات القلب أو انهيار الدورة الدموية.

2- تجنب الوجبات الدهنية الثقيلة لانها بتتعب الجسم في ظل الحرارة الشديدة ، ممكن نعوض عنها بالفاكهة و الخضار و السمك.

3- تجنب أشعة الشمس المباشرة والبحث عن مناطق الظل أو أماكن باردة جيدة التهوية ..

4- القيلولة بعد الظهر بتساعد الجسم على الراحة و التخلص من اجهاد الحرارة.

5- دهن الجسم بكريم الشمس لحمايته من الأشعة فوق البنفسجية المحرقة.

6- ارتداء ملابس فضفاضة واسعة و جيدة التهوية و ألوان فاتحة تعكس الشمس و الحرارة وارتداء قبعة فاتحة اللون للأطفال و كبار السن و عديمي الشعر أو أصحاب الشعر القصير..

7- الانتباه لعلامات ضربة الشمس زى التعب فجأة والإجهاد المفرط والغثيان والدوخة والصداع.

7- ممارسة السباحة في الأوقات المناسبة و تأجيل أى نشاط رياضي في الأماكن المفتوحة للمساء.

9- تبريد الجسم عن طريق غسل الايدين و الرجلين و الرقبة بالمياة أو استخدام بخاخ مياة يحتوي على زيوت عطرية منعشة.

10- الحذر من الأدوية الفاسدة بسبب الحرارة و تخزين الأدوية الحساسة زى أدوية القلب و الضغط في أماكن جيدة التهوية تحافظ عليها.

دي كل الخطوات اللي ممكن نعملها بنفسنا خلال اليوم و لو حسيت بأى تعب زيادة ، لازم تروح المستشفى فوراً .. ربنا معاكم