حالة من الغضب مسيطرة على الفنان أحمد السقا بسبب قيام بعض السينمات بتصرفات غير مفهومة تضر بفيلمه الجديد المعروض بدور العرض والذي يحمل اسم "من 30 سنة".

وكتب أحمد السقا عبر صفحته الرسمية على الفيس بوك معلناً عن غضبه قائلاً: "لماذا يتم استخدام هذا الأسلوب مع الجمهور...سينما أمير بشبرا وسينما رينسانس وسط البلد"، مع نشره لمقالة مدون فيها أن هناك حملة "لتطفيش" الجمهور من مشاهدة فيلم "من 30 سنة" لصالح فيلم "جحيم في الهند" الذي يقوم ببطولته الفنان محمد إمام.

ومن جانبه، نشر محمد إمام تعليقاً توضيحياً لجمهوره عن الأمر دون أن يكون كلامه مباشرة قائلاً: "أنا هقول حاجة لوجه الله وربنا شاهد على كلامى، أنا طول عمري بحب أحمد السقا جداً، وبعتبره بجد زي أخويا الكبير، هو الممثل الوحيد في جيله اللي حضرت له تقريباً كل أفلامه في السينما من كتر حبي فيه".

وتابع محمد إمام قائلاً:" لما ابتديت أمثل كان من أمنيات حياتي إني اشتغل معاه، ومن أكتر المرات اللي فرحت فيها لما هو اللي اخترني بنفسه علشان أعمل دور أخوه الصغير في مسلسل خطوط حمرا اللي مازال من أكتر الأدوار اللي بحبها وفرقت معايا في شغلي علشان خاطر وقفت قدام أحمد السقا".

وأضاف محمد إمام:"أنا بحبك أوي يا سقا ومبروك النجاح العظيم لفيلمك الجديد ومن نجاح لنجاح دايماً يا حبيبي".

أحمد السقا رد على كلمات محمد إمام قائلاً: "يامحمد يا حبيبي الفضل لربنا وربنا يوفقك كمان وكمان وأنت أخويا وحبيبي".