حنان فهيم
لقد اعتدنا دائما على تجهيز اول خطوة فقط والباقى نتركة للمفاجئات

العريس والعروسة يجهزو الشقة وحفلة الفرح بمنتهى الدقة وكويس كده ونتفاجئ بالباقى من اختلاف القيم والعادات والفرق بين الرجل والمراة وتبداء المشاكل وتؤدى الى عواقب وخيمة وصعب حلها كل هذا كان من السهل تداركة اذا عرفنا قيم واهتمامات كل واحد وعرفنا طباع بعض وعرفت ايه الى ممكن يتغير وايه صعب تغيرة ايه الى بيحبة كل واحد واذاى اتعامل فى حل المشكلات واذاى اتغلب علية كانت الاوضاع اختلفت تماما

بنفس الطريقة تحدث مع الابناء نهتم بملس النونو البنت بمبى والولد لبنى واحتياجات السبوع والحفلة فى البيت ولا عند تيته وهكذا بعد الولادة والسبوع تبدء المفاجئات من مرض وقلة نوم وعصبية الطفل والاهل ونوع اخر من المشاكل التى تعكر صفو كل بيت ومشاكل سن المراهقة وتصبح الاباء اعداء للابناء ونصل لطريق مسدود ومشكلة تلو الاخرى نقطة ومن اول السطر

لماذا نترك انفسنا للمفاجئات مع ان الحل بسيط جدا
الحل ان اسبق واعرف قبل حدوث الخطوة التالية فمن الافضل للاب والام احضار كتيب عن التربية ومراحل نمو الابناء ومستلزمات كل فترة وبكده لن اتفاجئ بشئ واقدر اعدى كل شئ فى حياه ابنائى بمنتهى السلاسة والسعادة ومن هنا اعرف اتصرف فى كل مرحلة

الحياة سهلة وبسيطة وجميلة لو عرفت افكر فيها صح واليك روشته سريعة لتربية ايجابية تكمل سعادتنا

1 فكر نفسك ابنك او بنتك تكون ايه فى المستقبل ( عالم مخترع رئيس --------- )

ارفع السقف براحتك وعامل ابنك وبنتك على هذا الاساس وثق ان الله سمعك وشايفك وحاسس بيك هيساعدك فى كل الى بتتمناه لقد كانت ام الرئيس الامريكى كيندى تنادى ابنها فى الصغر بسيادة الرئيس  وقد كان لها ابن رئيس و3 سيناتور

2 (حب ابنك او بنتك حب غير مشروط وعبر عن ذلك فى اصعب وقت ضمة واحضنة وقله انك بتحبة الحب ده عمرة ما يروح وهيترد اضعاف

3 انظر ليهم باستمرار وقول اشكرك يا رب ان ليا ابناء حتى لو عندهم تحدى او مرض فى ناس كتير معندهاش النعمة ده وبتتمناه شكرك عليهم هيخليك تعدى كل ضيقة او مشكلة بسهولة وهيظهر طاقة الحنان والاهتمام بيهم فى كل خليه فى جسمك وهما هيحسو بيها

4 شجع باستمرار وامتدح كل ما هو جميل فى تصرفات ابنك ركز على الايجابى وبكده يتلاشى كل ما هو سلبى والايجابى ينمو ويزداد

5 استخدم الروتين الايجابى

•    الذهاب لدور العبادة بصورة منتظمة مع بعض
•    ممارسة الرياضة فى وقت ثابت سويا
•    الاجتماع على وجبة واحدة على الاقل يوميا فى جو ملئ بالمرح والحب والسعادة
•    الاهتمامات المشتركة حتى لو مشاهدة برنامج مفضل للابناء
•    اللعب مع بعض وروح المنافسة بين الاسرة

6 هناك جملتين مهمين قبل النوم والابناء على السرير ليهم تاثير رائع على العقل الباطن وتفرق فى حياتهم

•    انا بحبك واحضنة – ينتج عن هذه الجملة احساس بالامان والانتماء وتنشر السعادة فيه طول الليل وتلغى اى امر حدث اثناء اليوم
•    بكرة تكبر وتحقق كل احلامك – بهذه الجملة فتحت ملف فى عقلة يشتغل عليه طول الليل يبحث عن حلمه وينتشر داخلة ويعمل على تحقيقة

7 غرس القيم فى حياة الابناء عن طريق التقليد وليس التلقين الابناء تنظر للوالدين ويفعلون مثلهم عندما يجد والدية يتصفون بالامانة يعرف يعنى ايه امانة و احترام الوقت الصدق احترام الاخر محبة ربنا والمواظبة على الطقوس اول سبع سنين فى حياة الابناء تتم فيها 95% من برمجة الابناء وهى فترة فى منتهى الاهمية

ان شئ الله للحديث بقية مع الحياة حلو بس نفهمها

اشكرك يا رب

شكرا لموقع الاقباط متحدون لتشجيعه واعطاء الفرصة لنشر التنمية البشرية والارتقاء بالمجتمع

تحياتى د حنان فهيم مدرب حياة
Dr.hananfahim@gmail.com