جورج ميخائيل عازر
تركنا العدو.....ماسكين لبعض.....السكين
نقتل وندبح.....بصراحه.....مُغيبين
في مهاترات.....وفتاوي عقيمه.....مشغولين

أمام العالم.....والحضاره.....مفضوحين
حتي الكوره.....والبطولات.....مش فالحين
ف الطب.....والبحث العلمي.....متأخرين

ع القهاوي.....طول النهار والليل.....قاعدين
ف العشوائيات.....والمقابر.....ساكنين
ع الكفاف.....والقليل.....عايشين

حكومه ورا حكومه.....محلك سر.....واقفين
ف التصدير للخارج.....والزراعه.....خايبين
لمكافحة الغش.....والتسريب.....فاشلين

مرتبات مدربين الكوره.....بالدولار.....دافعين
ورفع الدعم.....ع الكهربا.....ناويين
الإخواني والسلفي.....للحبل.....سايبين

لجذب السياحه.....والسياح.....مش عارفين
لدفن الزباله.....والنفايات.....مقصرين
للقانون والعداله.....للحق.....مطنشين

نقلد الغرب.....ع الموضه.....ماشيين
ضريبه ورا ضريبه.....ع الشعب.....فارضين

سرقوا مياه النيل.....والمسؤلين.....نايمين
زعلان عليكي يابلدي.....عليا.....اليمين