للأطفال : زهير دعيم
يا أحلى اسم بِكْتابي يا ورد وفُلّ

يا زهر التلّ والوادي عَ بالي طُلّ

اغمرني بحُبّك بزيادي يا ربّ الكُلّ

يا ربّ الكلّ

غَفّيني بْحضنَك غَفّيني واحكيلي حْكاي

عن يومي وبُكرة وأحلامي وعمري اللي جاي

ونَعْنِف شعراتي الحلوة عَ نَغم الناي

يا ربّ الكلّ

سمّعني صوتك الشادي وخّذني مِشوار

وشاركني أكل الزوّادي طول النهار

واحملني وزوّرني بلادي أرض الأبرار

يا ربّ الكلّ