كتب – محرر الأقباط متحدون
أعربت الفنانة هالة صدقي عن حزنها لمرض "كلبها" قائلة: "عن صاحبي وحبيبي وعشرتي تعبان، طبعًا ناس كتير هتتريق وناس هتستهزاء بمشاعرك، بس دة الوحيد اللي عمره ما شيليني همومه، عمره ما حقد عليه، عمره ما مثل عليّ الحب، عمره ما سرقك، عمره ما خدعك في مشاعره، عمره ما انتقدك، عمره ما أستفزك، عمره ما اشتكي تعبه".

وتابعت عبر حسابها على الفيسبوك، بالعكس كل مشاعره صادقة علشان مش مستني منك حاجة، بيستناك لما ترجع البيت وعمره ما يلومك علي حاجة، بالعكس أول ما يقرب حد غريب يجري ويحميني، لو أتأخرت ما ينامش إلا لما يطمن عليه، لو عييت ينام تحت رجلي لغاية ما أخف، وحاجات كتير محدش هيحس بيها إلا اللي بيحبوا الحيوانات".

واختتمت صدقي قائلة "شكرًا للي احترم مشاعري.. يا رب تقوم يا حبيبي يا صاحبي المخلص".