النص الحلو " هو أسم الكتاب الجديد للكاتبة شيرين فؤاد، والذي من خلاله تحاول الكاتبة توجيه الإرشاد الاجتماعي والنفسي للفتاة لتكون فعلا النص الحلو من خلال مناقشة العديد من القضايا والعادات والمفاهيم  واساليب التربية و التي تؤكد الكاتبة ان لها الكثير من الاثار السلبية على التركيبة النفسية للبنت واحساسها بذاتها وحتى على علاقتها بالرجل وفهمها لمعني الحب والزواج..

وعن كتابها تقول "فؤاد" موجه كلماتها لكل فتاة " إنتي النص الحلو، بجد إنتي النص الحلو مهما حسيتي بتهميش أو ضعف.. كل الحكاية إن جواكي حاجات متلخبطة شويه منها نتيجة اللي اتربيتي عليه.. شوية من عادات مجتمعك وشوية من تجارب مريتي بيها.. كانت النتيجة بدل ما تكوني النص الحلو تلاقي حبيبك شايفك  (النكد والخنقة) رغم حبك الكبير وكل حاجة حلوة بتعمليها عشان.. تلاقي مجتمعك شايفك (عانس أو فاشلة أو فرز تاني) رغم شخصيتك وتميزك وكل حاجة حلوة جواكي.

ومش ممكن أبدا تقدري تمنحي حب صادق مميز ونادر وإنتي جواكي ضعيف ومهزوز ومطفي
مش ممكن حبيبك يشوفك النص الحلو وإنتي النكد والخنقة... الزن والالحاح والإحتياج
 
لكن بردو إنتي النص الحلو.. كيان محتاج بس يفهم نفسه ويقرر يعيد يبني نفسه من جديد نفسيا وإجتماعيا وعاطفيا..  كيان محتاج بس الطريق واللي ياخد بإيده عشان توصلي للسلام جواكي.. للنور.. إنسانة جديدة وحبيبة مميزة.. ولازم تتعبي وتشتغلي على نفسك عشان ترجعي تحسي بالروح جواكي وجمال الحياة وجمال الحب الصحي.. لازم تؤمني إن الانثى هي قلب العاطفة وروح الحياة, الانوثة هي التحكم و القوة.. إنك إنتي بتحملي بقلبك وعقلك وروحك جميع ألوان الحياة.