حوار يبكى :سيدة الكرم تتحدث بعد حفظ قضية تعريتها

ضاع حقى وملناش غير ربنا مين يجبلى حقى
اين حقى ابنى اللى اتهموه باطل وانا اتعريت وجرونى فى الشارع
حوار : نادر شكرى
ولادى متشردين وربنا يجبلى حقى ملناش غير ربنا
ربنا يشهد على اللى حصلى وبهدلونى عريانة فى الشارع وضربى زى الكورة
قعدت فى بيتى بعد التعرية مطلعتش غير لم جالى ظابط امن الدولة فرحت النيابة
احنا مطرودين من بيتنا ومش عارفين ندخل بلدنا
الشهود تراجعوا فى اقوالهم بعد الضغط عليهم وتورط اولادهم فى الاحداث
سيدة الكرم للسيسى اقف بجنبى واعطينى حقى وانت اب الكل
المحامين مش هيقفوا معنا لانهم عايزين فلوس واحنا مش معنا
المطرانية اعطت لنا 80 الف قمنا ببناء منزل لنا فى منهارى ولم نكمله
المحامى طلب منا 10 الاف جنية لحضور قضية ابنى ولم يذهب احد

فى اول حديث لها عقب حفظ قضيتها قالت السيدة سعادة ثابت التى تعرت وسحلت فى شهر مايو 2016 ان ربنا هو الشاهد على ما تعرضت له ، بعد تم تعريتها وسحلها بشارع القرية .
وقالت سيدة الكرم معلقه على حفظ القضية " ملناش غير ربنا مين يجب لى حقى بعد ما بهدلونى وانا معرفش حصل ايه فى القضية لكن كلهم مع بعض واحنا نروح فين وسطهم ، احنا اتشردنا وعيالى اتبهدلوا ومش عارفين ندخل بلدنا ولا بيتنا اللى عمره السيسى وخائفين والاطفال اللى معنا متبهدله وحنا مطرودين .
واكدت سيدة الكرم ان المحامين لا يساندوه وليسوا متطوعين كما اعلنوا بل طالبوا منها اتعاب فى قضية ابنها اشرف المتهم فى قضية الزنا مع زوجة المتهم الرئيسى فى حرق المنازل نظير اسحق احمد وطالبوا 10 الاف جنيه وهم لم يمتلكوا اى مال واضطروا لتجميع الفين جنيه ولم يحضر احد فى اول جلسة يوم 10 يناير وتم تأجيل القضية .
وارسلت سيدة الكرم برسالة للرئيس السيسى قائلا " ربنا يطول فى عمرك انت عملت كتير معنا لكن اقف جنبى وهات لى حقى وان تاب للكل .
شاهد الحوار كامل مع سيدة الكرم التى ابكت الجميع